logo
خبير يكشف حقائق مرعبة عن الحية الغريبة ويؤكد: "ضحيتها بتجيب دم من كل حته"

خبير يكشف حقائق مرعبة عن الحية الغريبة ويؤكد: "ضحيتها بتجيب دم من كل حته"

قال مروض الكوبرا الشهير ممدوح طلبة، إن "الكوبرا ثعبان سام ولو عض حد لقدر الله بتكون فى خطورة داهمة على حياة الضحية ومحدش يعرف شكل الكوبرا بيكون عامل ازاى عشان المصل اللى هياخده.. يعنى الكوبرا لما تكون عاملة وضع استعداد عند الهجوم فا هو ده نوع الكوبرا.. وهى عندها عزة نفس ومبتهاجمش حد إلا وهى عاملة وضع الاستعداد بتاعها فا هنا كده انت عرفت انها كوبرا وبالتالى هتسهل على الدكتور كتير لأنه هيجيبلك المصل المضاد بعد ما يكون عرف نوع الثعبان اللى عضك".

وتابع، "ولكن ان لم تكن تعلم نوع الثعبان اللى عضك فاربط كذا رباط على الجزء اللى اتعضيت منه 5 ربطات على الأقل بطريقة قوية جدا لانه ده بيقلل نسبة دخول الدم الذى يحمل السم إلى الجسم وفى مصل متعدد العضات لكل أنواع الثعابين بيتاخد على مراحل وبينقذ الإنسان من الموت" .

وأوضح، "لكل شئ قدر فالحية الغريبة سامة جدا وخطيرة للغاية وتعيش فى الواحات البحرية نوع اسمه الحية الغريبة السوداء وفى سانت كاترين بسيناء يعيش النوع الآخر ويسمى الحية الغريبة الحمراء والاتنين لا يقلوا خطورة عن بعض.. لأن عضتها بتعمل سيولة عالية جدا فى جسم الضحية وبتفتح فى جسم الإنسان الأماكن الحساسة فيه مثل الأماكن الملتهبة فى جسم الإنسان أو التى بها جروح واللى بينجو منها قليل جدا وبيعمل تغيير دم كامل لجسمه وبرضه بعد 6 شهور بيحصل تجديد تانى للسم وممكن الانسان يموت ونادرا لم حد بينجو منها فمن الأفضل أن نتجنب الأماكن التى تعيش بها وهذه أفضل نصيحة".

((إضــغــط هــنــا لــمــشــاهــدة الــفــيــديــو))