logo
بالصور.. محمد عطية يكشف سر عملية تحوّل جسده ويرد على منتقديه بقوة

بالصور.. محمد عطية يكشف سر عملية تحوّل جسده ويرد على منتقديه بقوة

هل تذكرون الفنان محمد عطية نجم ستار اكاديمي؟! هل تذكرون كم كان نحيلًا وليس فتى معضل!! الآن تغير شكله بصورة كاملة مفاجئًا جمهوره قبل أشهر بتلك العضلات الضخمة بخلاف ما اعتاد عليه الجميع.

محمد عطية يرد على منتقدي تحول جسمه لمعضل

ورد محمد عطية على التعليقات التي انتقدته، حيث نشر على صفحة الرسمية بموقع التواصل الاجتماعي ” فيسبوك ” يوم الأحد 6 أغسطس الماضي يقول فيها : ” الفترة اللي فاتت أكتر من صفحة لقيتهم منزلين صوري و كاتبين عن التغيير اللي حصل في شكل جسمي … أكتر تعليق الناس كاتبينه .. إن الفلوس بتعمل كل حاجة … ( ده علي أساس إني ثري عربي ) .. هفترض معاك إنه فلوس .. رغم إن فيه ناس كتير معاهم فلوس و مابيعملوش كده .. بس اللي كاتب كده مش عارف إني بتمرن مرتين في اليوم / ٦ أيام كل أسبوع / بصحي الصبح ألعب كارديو ٤٥ دقيقة عالريق و باليل بأتمرن ساعتين أوزان و ٤٥ دقيقة تانية كاريدو”.

محمد عطية نجم ستار اكيديمي معضل

محمد عطية نجم ستار اكيديمي معضل

وتابع عطية: ”  .. يعني بتمرن في اليوم ٣ ساعات و نص … ده غير إني حارم نفسي من كل سكر و الدهون و الزيوت و المحاشي و خلافه و باكل بالجرام و بيعدي عليا أيام كتير زيرو كارب مابيدخلش في بقي غير بروتين و بس … كل عزومات رمضان كنت بروح متفرج .. أصحابي بيكونوا عندي بيطلبوا بيتزا و ماكدونلدز و انا قاعد باكل خيار و صدور فراخ من غير أي حاجة عليها”.

شكل محمد عطية الجديد

شكل محمد عطية الجديد

واستطرد محمد عطية: ” … أنا فاكر كويس إن أول يوم زيرو كارب و أنا راجع من التمرين كنت هعمل حادثة أكتر من مرة و ركنت العربية خمس مرات عشان عنيا مزغللة و مش قادر أسوق … ده غير بقي إن المدرب بتاعي اللي وصلني للشكل ده كابتن Hassan Bond .. مش بيرحم و تمرينته تقيلة جدا .. أنا كنت مصاحب … و صاحبتي كانت دايما بتتخانق معايا بسبب إن مش عارفة تخرج معايا بسبب إلتزامي بمواعيد الجيم ولو خرجنا مابنعرفش ناكل حاجة سوا .. يعني حارم نفسي من حاجات كتير جدا عشان أوصل للشكل ده .. الغريب بقي إن لو دخلت علي صفحة منزلة تغيير في جسم أي فنان برة هتلاقي كل التعليقات ( يا سلام عالارادة .. شوف الإصرار ) .. ما اعرفش المتلازمة دي إسمها إيه الصراحة … من الأخر لو إنت مقتنع إن الموضوع فلوس يبقي عمرك ما هتعمل حاجة “.