منوعات

آلاف الجنيهات اترمت على الأرض.. أول تعليق من مصور فيديو «النقطة» المثير للجدل

ضجة كبيرة أثارها مقطع فيديو النقطة، بعد ظهور مجموعة من الأشخاص يلقون آلاف الجنيهات على شخص يدعى «أبو حربي» يرتدي جلبابًا، لتنتهي الأموال الطائلة بسقوطها على الأرض.

سقوط آلاف الجنيهات على الأرض، أمر أثار سخط عددا كبيرا من رواد السوشيال ميديا، حيث تلقى أصحاب الفيديو هجومًا لاذعًا بسبب الاستهانة برمي الأموال بتلك الطريقة بداعي المنظرة.

أول تعليق من مصور فيديو «النقطة»

وأكد مصور فيديو «النقطة» الشهير باسم أيمن ديجيتال، أن مقطع الفيديو تم التقاطه في حفل زفاف بمدينة الحامول التابعة لمحافظة كفر الشيخ، يوم الثلاثاء الماضي.

«الفلوس اتجمعت في الآخر مش زي ما الناس فاكرة»، وفقا لما رواه «أيمن» خلال حديثه لـ«الوطن»: «أنا كنت مصور الفرح ده، ووثقت لحظة رمي الفلوس دي لأنها من أبرز اللقطات اللي في الفرح لما بيجامل التجار أهل الفرح بالفلوس، لكن الناس فاكرة الفلوس بتترمي على الأرض ودي مجرد إشاعات ملهاش أساس من الصحة».

«دول مجموعة تجار مواشي، بيجمعوا فلوس ويجاملوا بيها في الأفراح زي كده»، بحسب «أيمن»: «الفلوس دي بتكون مكتوبة بأسماء الأشخاص اللي مطلعين الفلوس دي، لأن صاحب الفرح بيردها في واجبات تاني، فبيكون كل شخص مطلع مبلغ يعني دي فلوس حوالي 20 واحد، وبتتجمع لصاحب الفرح وبتترد تاني لما يكون ليهم مناسبة زيها».

«أيمن»: أنا متعود أصور الأحداث دي 

وأشار «أيمن»، ابن محافظة المنوفية، أن تلك عادات التجار في الجمعية الدائرة بينهم، موضحًا أنه عادة ما يغطي تلك الأحداث ويصورها، رفقة مجموعة من المصورين بالتبادل بينهما.

إقرأ أيضاً

مقالات ذات صلة

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock