فنون

حمو بيكا: «شاكوش بيتنطط على الناس.. بس أنا خط أحمر»

هاجم مطرب المهرجانات حمو بيكا، زميله حسن شاكوش، بعد انتشار أغانيه في الفترة الأخيرة، قائلا: «الغرور أكل حسن شاكوش وبقى مش شايف حد وشايف نفسه أنه رقم واحد واللي بيعمله في نفسه غلط، وفى مجالنا محدش رقم واحد»، مؤكدا أن النجاح الكبير الذي حققه حسن شاكوش سبقه فيه بنجاحات مهرجانات كثيرة.

وأبدى المطرب حمو بيكا، في لقاء ببرنامج «شيخ الحارة والجريئة» مع المخرجة إيناس الدغيدي، على قناة القاهرة والناس، سعادته بالنجاح الذي حققه حس شاكوش، مضيفا: «أنا مش بنفسن وعمري ما انفسن من شاكوش ولو هينجح 100 سنة أنا فرحان أنه ناجح عشان حسيت أنى عملت حاجة»، مؤكدا أن بداية نجاح شاكوش كانت من المشاركة معه في أغانيه وأنه أنتج له نحو 15 أغنية.

وتابع: «بداية نجاح حسن شاكوش من عندي وانا انتجت له أغاني كتير، وهو كان عنده 5% من الجمهور قبل ما يغني معايا، وصعب شاكوش يتنطط عليا وهو بيتنطط على كل الناس إلا أنا وأنا خط احمر بالنسبة له».

واعترف بيكا بأنه كان يتعاطى مخدرات ولكن قبل 8 سنوات أما الان فلا يتناول أي مواد مخدرة وينصح الشباب بالابتعاد عنها بسبب كثرة أضرارها، قائلا: «أنا مش بشرب مخدرات خالص واللى يقول يقول، وأنا كنت بشرب وبطلت من 8 سنين وبنصح الشباب يبطلوا لأن اضرارها كتير».

وأكد حمو بيكا أنه عاني من أضرار صحية كثيرة بسبب المخدرات، مشيرا إلى أنه يتلقى علاج لمعدته بسبب أضرار المخدرات، ولكن انتبه لحياته بعد الاستفاقة من المخدرات التي كانت يتناولها سابقا.

وأشار مطرب المهرجانات إلى أن أفضل مطرب شعبي بالنسبة له هو أحمد شيبه لأنه من الاسكندرية نفس بلده، وأثنى حمو بيكا على نفسه قائلا: «أنا مش مطرب ولكن مؤدي وعملت اغاني لناس كتيرة قوي، وناس كتير قوي كان نفسها تغني معايا ولسه نفسهم يغنوا معايا، وانا رحت فنادق ودخلت افراح قبل شاكوكش وأي حد، والناس بتعشقني وممكن انزل فرح اتصور مع الناس بس وبأخذ اجر»، واختتم «أول لما المزيكا بتعتي تحضر في فرح لازم كل الناس تقوم ترقص».

إقرأ أيضاً


الوسوم

مقالات ذات صلة

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock