فنون

هاني شاكر لأحمد فلوكس: ” أنت لو عضو عندي كنت شطبتك من النقابة”

شن الفنان هاني شاكر نقيب المهن الموسيقية هجوما حادا على الفنان أحمد فلوكس بسبب الراحل مصطفى حفناوي، قائلا: “أنت عملت إيه لمصطفى حفناوي يا بيه يا محترم والله أنت لو عضو عندي في النقابة لكنت شطبتك وتبقى تاخد حقك بالقضاء، وبعدين أنا ما أعرفش مصطفى وربنا يرحمه”.
وأضاف في مداخلة هاتفية لبرنامج “التاسعة” تقديم الإعلامي وائل الإبراشي المذاع على التليفزيون المصري: “للأسف الشديد السوشيال ميديا سمحت للناس تهاجم الآخرين بدون سبب لكي يركبوا الموجة”.

وأوضح: “لن أقبل اعتذار فلوكس أو كلامه ولا أقبله هو شخصيا، وعايز أقول حاجة إني بدعي لوالده إنه يرجع بالسلامة من الخارج يارب”، مضيفا: “يكفيني اعتذار الفنان أشرف زكي واحترامه لي وكلمني أكثر من مرة وغدا سيزورني في النقابة بصحبة عدد من أعضاء نقابة الممثلين وللأسف غلطة الصغار يتحملها الكبار”.

وأكد: “أحمد فلوكس لا يجيد ثقافة الاعتذار وحقي عند ربنا لأنه يعلم بالنيات، فرحيل مصطفى حفناوي ذكرني بابنتي”.

وكان الفنان أحمد فلوكس هاجم عددًا من الفنانين، ومن بينهم نقيب المهن الموسيقية الفنان هاني شاكر، بعد نعيهم لليوتيوبر مصطفى حفناوي، الذي توفي أمس.

ونشر موقع “عرب وود” مقطع فيديو للفنان أحمد فلوكس قال فيه: “أنا شلت لايف بتاعي عشان أبويا علمني ما أغلطش في حد كبير، ما أعرفش مصطفى، ولكن متابعه من أسبوع، ما حدش زاره غير تامر حسني، بقاله 7 أيام بيناشد حد عشان يدخل مستشفى، ما حدش كتب عنه حتى في طبق اليوم”.



وأضاف فلوكس: “دلوقتِ كله الله يرحمه، بمن فيهم الأستاذ الفاضل الكبير هاني شاكر، اللي قال لك أنا معرفوش، بس قلبي وجعني، طب قلبك ما وجعكش وهو مش لاقي مستشفى تستقبله وهو عنده جلطة في مخه، اتقوا الله، كفاية متاجرة بالبني آدمين”.

وتابع: “اللي عرف القصة لما تامر حسني راح زاره، أستاذ هاني شاكر هو تامر حسني النقيب ولا أنت، شاب صغير والفنانين والفنانات كنتو فين لما كان عايز يمثل، ما خلتهوش يمثل ليه، ولا لما مات افتكرتوا”.

وأكمل: “مش أنتو زعلانين عليه، أنا بطالب كل اللي كتب الله يرحمه، يروح يبني جامع باسمه، قال الفنان هاني شاكر بينعي، وقبليه ملحن مات عشان ما كانش لاقي مستشفى يتعالج، بنتاجر بموت الناس، دلوقتِ بتنعوه بعد ما مات، ما هو مات بتاخدوا لقطة على واحد ميت، يا ريت الكورونا كانت علمتكو حاجة، طلعتو منها جعانين أكتر”.

ورحل اليوتيوبر الشاب بعد إصابته بجلطة في المخ وحرص عدد من نجوم الفن على زيارته في المستشفى من بينهم النجم تامر حسني.

إقرأ أيضاً

مقالات ذات صلة

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock