أقدم شيال في محطة مصر: هند رستم اتخانقت مع فريد شوقي علشاني

​

روى إبراهيم عزوز زيد، قصته في محطة مصر، إذ يعمل شيالًا منذ 1960 وحتى الآن، قائلا إنه جرى تعيينه في مهنته عام 1964، وعاصر فيلم «باب الحديد»، بطولة الفنانة هند رستم وفريد شوقي ويوسف شاهين وحسن البارودي.

كواليسه مع فيلم باب الحديد

وأضاف «عم إبراهيم»، خلال لقاء مع برنامج «أتوبيس السعادة»، المذاع على شاشة قناة «DMC»، ويقدمه الإعلامي أحمد يونس، اليوم الجمعة، أنه عاصر تصوير فيلم «باب الحديد»، كاشفا عن كواليسه: «هند رستم خلتني أمثل في الفيلم».

موقف طريف مع هند رستم

وتابع: «كنت ساعتها عريس جديد، وكنت واقف جنب مجموعة سنها كبير فجاتلي هند رستم، وقالتالي تعالى أنت، عاوزاك تشتغل معايا، قولتلها أنا عريس جديد، فقالتلي هو أنا هتجوزك يا منيل؟، هند رستم واحدة ست بنت بلد».

خناقة هند رستم مع فريد شوقي

وواصل «عم إبراهيم»، البالغ من العمر 78 عاما: «كانت بتروح عند المخزن عشان تلبس الجلابية المخططة، فجالي فريد شوقي وقالي أوعى، فقولتله أوعى إيه يا أستاذ؟، قالي شنطة مدام هند على أساس إني كنت ماسكها ليها عبال ما تخلص لبس، فقولتله هو أنت مدام هند؟ لما تيجي، راحت هند متخانقة معاه وقالتاله هاتلك علبة سجاير، راح قالي عجبك اللي حصل، فقولتله أنا مليش دعوة دي زميلتك».

شنطة بها 36 ألف جنيه

وكشف في واقعة أخرى، أنه وجد شنطة بها مبلغًا ماليًا كبيرًا أثناء جلوسه في محطة مصر بانتظار وصول القطار، قائلًا: «الواقعة دي كانت زمان ولقيت فيها 36 ألف جنيه، المبلغ دة يعادل ملايين دلوقتي، لقيت الشنطة قدام مني وأنا قاعد في استعلامات المحطة، ضربتها برجلي لقيت الفلوس بتقع منها، وخدتها في صدري ودخلت على الظابط، وسلمتها ليه».