خلوق وبيصلي ومستحيل يعمل كده.. ننشر شهادة الطبيب صاحب عمل سائق أوبر المتهم في واقع حبيبة الشماع.. تحقيقات

حملت التحقيقات في واقعة حبيبة الشماع فتاة أوبر، شهادة طبيب بالتجمع الخامس، الذي حضر للشهادة في الواقعة، بصفته صاحب عمل السائق المتهم.

شهادة الطبيب صاحب عمل سائق أوبر المتهم في واقع حبيبة الشماع

ينفرد القاهرة 24 بنشر التحقيقات في قضية حبيبة الشماع فتاة الشروق، حيث استمعت جهات التحقيق لطبيب بالتجمع الخامس، وهو رب عمل سائق أوبر المتهم في واقعة حبيبة الشماع، وجاءت أقواله كالآتي:

اللي حصل إن محمود شغال معايا بقاله سنتين السواق الخاص بتاعي بصفتي رئيس مجلس إدارة، وفي خلال السنتين دول هو كان بيجيي بعربيته الصبح وبيروح بيها بالليل، وأنا كنت على علم إن هو في وقت فراغه في الوقت اللي أنا مش محتاجه فيه بيشتغل بعربيته أوبر، وأنا ماكنش عندي مشكلة في كده علشان أنا عندي السواق الخاص في البيت ومش بحتاجه بعد مواعيد الشغل في معظم الأيام.

وأردف الطبيب: يوم الواقعة نفسه اللي هو كان الأربعاء اللي فات محمود كان معايا من الصبح بعد الشغل وصلني مستشفى الجلاء العسكري لزيارة والد زوجتي، وبعدين خليته يوصلني لكافيه بالجهة المقابلة للمستشفى وركن العربية وأنا قولتله يروح بأوبر، ووصل البيت عندي في مدينتي علشان ياخد عربيته وهو قابل زوجتي عند البيت وقالها أنا مروح وهي قالتله تعالى اتغدى.

وأضاف: وبعدها لقوه مشي من غير ما يتغدى راحت مراتي رنت عليه وقالتلي انت فين قالها معلش أنا روحت، وتاني يوم اللي هو الخميس سمعت من بنتي بتحكيلي على واقعة البنت اللي رمت نفسها من أوبر وورتني صورة محمود ومنزلنها إن هي كانت راكبة معاه وأنا قولتلها ده مستحيل محمود يعمل كدة أكيد فيه سوء تفاهم في الموضوع علشان محمود خلوق ومصلي وملتزم جدا.

وبسؤاله عن منذ متى يعمل سالف الذكر لدى الشركة خاصتك، أجاب منذ تاريخ 11 مايو 2022، وأجاب عن سؤاله عن المستندات التي قدمها سالف الذكر حينها، قال أنا معايا كل الورق اللي قدمة للشركة علشان أقدمه للنيابة.

الأكثر قراءة

• الكويت | آلية ثقيلة أودت بحياة مقيم مصري
• أول تعليق من ملك صاحبة إعلان دقوا الشماسي
• الكويت | اتهام مدير مبيعات باختلاس 117 ألف دينار
• بسبب «سناب شات».. كهربا يكشف كواليس خلافاته مع شيكابالا
• رد فعل غريب من شقيق أحمد سعد بعد تصريحاته المثيرة.. ماذا فعل؟
• جروح بالفم والصدر.. تفاصيل إصابة برلمانية سابقة بعد معاشرتها بالإكراه من ضابط